ᖃᒡᒋᐊᕗᒃᑯᓐᓂᑦ ᑐᓂᕈᓯᐊᖅᑐᑦ

ᖃᒡᒋᐊᕘᑦ ᑐᓐᓂᖅᑯᓯᐊᖅ ᐱᒃᑲᒻᒪᕆᖕᒧᑦ ᑎᑭᐅᑎᓯᒪᔪᓂᑦ ᓄᓇᕗᒻᒥ ᖁᙱᐊᖅᑎᐅᔪᓄᑦ ᐱᓕᕆᔨᐅᔪᓄᑦ

ᓯᕗᓪᓕᖅᐹᑦᑎᐊᒥ ᖃᒡᒋᐊᕘᑦᒧᑦ ᑐᓐᓂᖅᑯᓯᐊᖃᖅᑎᑦᑎᓚᐅᖅᐳᒍᑦ ᐱᒃᑲᒻᒪᕆᖕᒧᑦ ᑎᑭᐅᑎᓯᒪᔪᒥᑦ ᓄᓇᕗᒻᒥ ᖁᙱᐊᖅᑎᐅᔪᓄᑦ ᐱᓕᕆᔨᐅᔪᓄᑦ ᑐᓂᔭᐅᓚᐅᖅᐳᖅ ᔫᓂ 5, 2010-ᒥ ᐅᕗᖓ 

ᓯᒥᐅᓂ ᑮᓇᐃᓐᓇᕐᒧᑦ ᐸᖕᓂᖅᑑᒥᐅᑕᖅ

ᓯᒥᐅᓂ ᐊᔪᙱᑦᑐᒻᒪᕆᐅᕗᖅ ᐃᓄᐃᑦ ᐃᖏᕐᕈᑎᖓᓐᓂ, ᑐᓴᕐᓈᕐᓂᐅᔪᖅ ᐃᓕᓴᕆᔭᐅᓯᒪᔪᖅ ᑐᓴᕐᓈᖅᑎᓂᑦ ᐊᔾᔨᐅᙱᑦᑐᒻᒪᕆᐅᓂᖓᓂ ᓯᐅᓪᑎᒃ ᑐᓴᕐᓈᕐᓂᐅᔪᓂᑦ-ᐊᔾᔨᐅᙱᑦᑐᒻᒪᕆᐅᓪᓗᓂ ᐊᓯᓕᒫᖏᓐᓂᑦ ᐃᙱᕈᑎᐅᔪᓂᑦ ᑐᓴᕐᓈᕐᓂᐅᔪᓂᑦ ᓄᓇᕐᔪᐊᓕᒫᒥᑦ.

ᐊᔾᔨᓕᐅᕆᓯᒪᖏᑦᑐᖅ ᑭᓯᐊᓂ ᑐᑭᒧᐊᖅᓯᒪᔪᖅ ᑐᓴᕐᓈᕐᓂᕐᒥᑦ ᓇᒃᓴᖅᑕᐅᓚᐅᖅᓯᒪᔪᓂᑦ ᕿᓚᓗᒐᖅᑎᐅᔪᓂᑦ ᐅᓱᐊᓗᒃ ᖃᓂᒋᔮᓂ ᑕᒫᓂ 1800-ᖏᓐᓂ ᐊᒻᒪᓗ 1900-ᖏᓐᓂ ᐊᕐᕌᒎᔪᓂᑦ. 

ᐃᙱᕈᑎ ᐱᐅᒋᔭᐅᔪᒻᒪᕆᐅᓚᐅᖅᐳᖅ ᐃᓄᖕᓂᑦ ᐊᒻᒪᓗ ᓇᖕᒥᓂᖅ ᑐᓴᕐᓈᒐᓕᐅᖅᐸᓕᓚᐅᖅᐳᑦ. ᓯᒥᐅᓂ, ᐃᙱᕈᑎᒥᑦ ᐊᔪᕈᓐᓃᓚᐅᖅᐳᖅ ᓂᖏᐅᕐᒥᑦ ᑕᖕᒫᕐᕕᓕᖕᒥᑦ ᖃᓂᒋᔭᖓᓂ.ᖁᕕᐊᓱᓚᐅᖅᐳᖅ ᑐᓂᓯᔭᕆᐊᒃᓴᖅ ᑐᓴᕐᓈᕈᑎᖏᓐᓂᑦ ᐃᓕᓐᓂᐊᕈᒪᔪᒻᒪᕆᖕᒥᑦ ᒪᒃᑯᒃᑑᓪᓗᓂ ᓯᒥᐅᓂ ᐊᒻᒪᓗ ᐃᓕᑦᑎᐊᓚᐅᖅᐸᖏᑦ.

ᐃᓅᓯᓕᒫᐸᓗᖓᓐᓂ, ᓯᒥᐅᓂ ᑐᓴᕐᓈᖅᑎᑦᑎᖃᑦᑕᖅᓯᒪᕗᖅ ᐃᓄᖕᓂᑦ ᐸᖕᓂᖅᑑᒥᑦ ᐊᒻᒪᓗ ᐃᓄᖕᓄᑦ ᓄᓇᕗᒻᒥ. ᒫᓐᓇᐅᔪᖅ ᑐᓴᕐᓈᖅᑎᑦᑎᔨ ᔨᒻ ᕼᐃᔅᑳᑦ ᑎᑎᕋᓚᐅᖅᐳᖅ ᑎᑕᒃᑎᕐᔪᐊᕌᓗᖕᓄᑦ ᑐᓴᕐᓈᒐᒃᓴᒥᑦ ᓯᒥᐅᓂᒧᑦ ᑕᐃᔭᐅᔪᒥᑦ ᒪᓂᒪᓰ ᐊᐅᕋ ᐊᒻᒪᓗ ᑎᑕᒃᑕᐅᓪᓗᓂ CBC-ᑯᑦ ᑎᑕᒃᑎᕐᔪᐊᖏᓐᓂᑦ ᐊᒻᒪᓗ ᑐᓴᖅᓴᐅᑎᑕᐅᓪᓗᓂ ᓯᓚᕐᔪᐊᓕᒫᒧᑦ. ᑎᑕᖃᑦᑕᖅᓯᒪᕗᖅ ᓄᓇᕐᔪᐊᓕᒫᒥᑦ, ᐊᒻᒪᓗᑦᑕᐅᖅ ᔅᑲᑦᓚᓐᒥᑦ ᐅᐱᒋᔭᐅᓪᓗᓂ ᓴᐳᒻᒥᓂᕐᒥᑦ ᐃᓚᖏᓐᓂᑦ ᐱᖅᑯᓯᑐᖃᖓᓐᓂᑦ ᔅᑳᑎᔅᖑᔪᓂᑦ ᐃᙱᕈᓯᓂᑦ ᐊᑯᓂᐊᓗᒃ ᐊᓯᐅᓯᒪᔪᓂᑦ.

ᖃᓄᖅ ᐃᙱᕈᑎᒥᑦ ᐱᙳᐅᓲᖅ ᐱᓕᕆᓲᖑᕙ ᓯᒥᐅᓂᐅᑉ ᐱᓕᕆᕙᒃᑕᖏᓐᓂᑦ? ᐊᒡᒐᖏᑦ ᐊᐅᓚᓲᖑᕗᑦ ᓲᕐᓗ ᑲᓪᓕᖅᑐᑎᑐᑦ. ᓇᕿᑦᑕᐅᑎᒍᑦ, ᓂᐅᖅᑐᑦ ᐊᓂᖅᑎᕆᔪᑦ ᐃᙱᕈᑎᐅᑉ, ᑐᓴᕐᓂᖅᑐᑦ ᓂᓪᓕᐊᔪᑦ ᒧᒥᕈᒪᓐᓇᖅᑐᖅ, ᓱᒃᑲᓂᖓ, ᓇᓗᓇᕐᓂᖓ. ᑐᓴᕐᓈᕐᓂᖅ, ᓇᒃᓴᖅᑕᐅᓂᑯ ᐃᒪᐅᑉ ᐊᑭᐊᒍᑦ ᕼᐊᓐᓇᒐᓚᓂᑦ ᐊᕐᕌᒍᓂᑦ ᖄᖏᖅᓯᒪᓕᖅᑐᓂᑦ ᐊᒻᒪᓗ ᐊᓱᐃᓛᒃ. ᖃᕐᒪᕐᒧᐊᖅᑕᐅᓪᓗᓂ ᐊᒻᒪᓗ ᑐᐱᕐᒧᑦ ᐊᒻᒪᓗ ᑭᓱᙳᖅᑎᑕᐅᓪᓗᓂ ᐅᑭᐅᖅᑕᖅᑐᒥ ᐊᒻᒪᓗ ᓇᐹᖅᑐᖃᕈᓐᓇᖏᑦᑐᒧᑦ.

ᐅᐱᒋᕙᑦᑎᒋᑦ ᓯᒥᐅᓂ ᑮᓇᐃᓐᓇᖅ, ᐃᓅᓯᓕᒫᕐᓂᑦ ᑐᓂᓯᓂᕐᓂᑦ ᓄᓇᕗᒻᒧᑦ ᖁᙱᐊᖅᑎᐅᔪᓄᑦ ᐱᓕᕆᔨᐅᔪᓄᑦ!