Qiluat

ᕿᓚᐅᑦ ᓄᓇᕘᒥ ᐊᕐᕌᒍᑕᒫᑦ ᐃᓐᖏᐅᑎᓕᐅᓕᐅᑎᑎᑦᑎᓂᐅᓲᖅ. ᐱᔾᔪᑎᖃᖅᑐᓂ ᖁᕕᐊᓲᑎᖃᕐᓂᕐᒥᒃ ᐃᓄᒃᑐᑦ ᓂᔾᔭᐅᓯᔭᕈᓐᓇᑦᑎᐊᓂᑦᑎᓐᓂᒃ ᓴᓇᑐᓂᖏᓐᓂᓪᓗ ᐃᓄᐃᑦ ᓄᐃᑎᑦᑎᑲᓐᓂᖁᓪᓗᒋᑦ ᓄᑖᓂᒃ ᐃᓐᖏᐅᑎᓂᒃ. ᓄᕙᓐᓇᕐᔪᐊᖅ ᐊᒃᓱᕈᕐᓇᖃᑦᑕᕋᓗᐊᖅᑎᓪᓗᒍ, ᒫᓇ ᐱᕕᖃᖅᐳᑎᑦ ᓄᑖᒥᒃ ᖁᕕᐊᓇᖅᑐᓂᒃ ᓴᖅᑭᑦᑎᖁᓪᓗᑎᑦ ᐃᓅᓯᑦᑎᓐᓄᑦ. ᑲᔪᖏᖅᓴᐃᕗᒍᑦ ᐃᓐᖏᒐᕐᓂᒃ ᖁᕕᐊᓇᖅᑐᓂᒃ ᖁᕕᐊᓱᐊᒍᑎᓂᒃ ᓇᓪᓕᐅᓂᖅᓯᐅᓂᒃᑯᑦ, ᓴᖅᑭᑎᑦᑎᖁᓪᓗᑎᑦ ᖁᖓᓐᓇᖅᑐᓂᒃ ᒧᒥᕐᓇᖅᑐᓂᓪᓗ. ᐃᖏᐅᑎᓂᒃ ᓄᑖᓂᒃ ᐃᓪᓚᖅᑎᑦᑎᔪᓐᓇᖅᑐᓂᒃ ᐃᓄᓐᓂᒃ. ᓴᐃᒪᓐ ᓯᔾᔭᕆᐊᑎᑐᖅᑲᐃ ᐅᒡᕙᓗ ᓵᓕ ᐸᓂᒍᓂᐊᑎᑐᑦ.

ᒐᕙᒪᖓ ᓄᓇᕘᑦ ᐱᓕᕆᐊᖓ ᓴᓐᖓᑎᑦᑎᑲᓐᓂᖁᓪᓗᒍ ᐃᓄᒃᑐᑦ ᐅᖃᐅᓯᕐᒥᒃ ᐃᓅᓯᑦᑎᓐᓂ (ᑐᑭᒧᐊᑦᑎᑕᐅᓪᓗᓂ ᐃᓄᐃᑦ ᐅᖃᐅᓯᖓᓂ ᓴᐳᒻᒥᑦᑎᓂᐅᑉ ᒪᓕᒐᖓ). ᑕᒫᓂ ᐊᕐᕌᒍᒥ, ᕿᓚᐅᑦ ᑲᑐᔾᔨᖃᑎᖃᖅᑐᓂ ᖃᒡᒋᐊᕘᒥᒃ ᓴᖅᑭᑎᑦᑎᕗᖅ ᐱᓕᕆᖃᑎᖃᖅᑐᓂ ᐃᓕᖅᑐᓯᓕᕆᔨᒃᑯᓐᓂᒃ.

ᐊᕐᕌᒍᑕᒫᑦ, ᓄᓇᕗᒻᒥᐅᑦ ᑐᓂᓯᖁᔭᐅᓲᖑᒻᒪᑕ ᐃᓐᖏᐅᑎᓕᐊᒥᓂᒃ, 2021ᒥ ᓵᓚᔅᓴᖅᑐᑦ ᓂᕈᐊᓛᖅᑕᓯ ᐃᓕᔅᓯ! ᐄ, ᓱᓕᔪᖅ; ᓯᕗᓪᓕᖅᐹᑦᑎᐊᖑᓗᓂ, ᓄᓇᕗᒻᒥᐅᑦ ᑐᑭᑖᓛᖅᑐᑦ ᓵᓇᔅᓴᓛᖅᑐᒥᒃ ᖃᕋᓴᐅᔭᒃᑯᑦ ᓂᕈᐊᕈᑎᒃᑯᑦ. ᖁᓖᑦ ᓵᓚᔅᓴᓛᖅᑐᑦ ᓇᓗᓇᐃᖅᑕᐅᓛᖅᑐᑦ ᓴᓚᓴᐅᓯᐊᕐᓗᑎᒃ ᑮᓇᐅᔭᓂ! ᓵᓚᔅᓴᖅᑐᑦ ᓇᓗᓇᐃᖅᑕᐅᓛᖅᑐᑦ ᕖᕗᐊᕆ 28, 2021ᒥ.

ᐱᖃᑕᐅᒍᑎ:

ᐱᔾᔪᑎᖓ ᕿᓚᐅᑦ 2021 ᖁᕕᐊᓲᑎᖃᕐᓂᖅ

ᐱᖓᑦᑎᕐᒥ ᕖᕗᐊᕆ 10, 2021ᒥ ᐱᖓᑦᑎᕐᒧᑦ ᕖᕗᐊᕆ 24, 2021 ᐅᓐᓄᐊᒃᑯᑦ 12ᒥ ᕿᑭᖅᑖᓘᑉ ᓯᕿᓐᖑᔭᖓ ᒪᓪᓕᓗᒍ, ᖃᕋᓴᐅᔭᒃᑯᑦ ᑐᓂᓗᒍ ᐅᕗᖓ qilaut@qaggiavuut.com

ᐅᑯᓂᖓ ᐃᓗᓕᖃᕐᓗᒍ:

ᐃ.      ᐃᓐᖏᐅᑏᑦ ᓂᐱᓕᐅᖅᓯᒪᓗᒍ

ᐱ.      ᐃᓐᖏᐅᑎᕕᑦ ᑕᐃᒎᓯᖓ ᐅᖃᐅᓯᖅᑕᖏᓪᓗ

ᑎ.      ᐊᑏᑦ (ᓂᔾᔭᐅᓯᔭᖅᑎᖃᕈᕕᓪᓗ ᐊᑎᖏᑦ)

ᑭ.      ᐊᔾᔨᓐᖑᐊᖓ ᐃᓐᖏᑦᑎᐅᑉ (ᓂᔾᔭᐅᓯᔭᖅᑎᖏᓪᓗ)

ᒋ.      ᓄᓇᓕᕕᑦ ᐊᑎᖓ

ᒥ.      ᑕᑕᑎᖅᓯᒪᔪᖅ ᐃᓚᐅᔾᔪᑎ ᐃᓐᖏᐅᑎᓕᐅᓕᐅᑎᑎᑦᑎᓂᕐᒧᑦ

ᓴᓚᓴᐅᓯᐊᔅᓴᐃᑦ:

ᑐᓂᔭᐅᓛᖅᑐᑦ ᐱᖓᓱᑦ ᓯᕗᓪᓕᖅᐹᑦ ᓵᓚᔅᓴᖅᑐᑦ 5000ᒥᒃ, 2,500ᒥᒃ, 1500ᒥᒃ ᐊᒻᒪᓗ 7 ᑭᖑᓪᓖᑦ ᑕᒪᕐᒥᒃ 500ᓂᒃ ᑐᓂᔭᐃᓐᓇᐅᓛᕐᒥᔪᑦ. ᑲᑎᑦᑐᒋᑦ 13,000ᑲᓴᑦᑎᐊᑦ ᓵᓚᔅᓴᐅᓯᐊᔅᓴᐃᑦ ᑮᓇᐅᔭᐃᑦ!

ᓂᕈᐊᕐᓂᖅ:

ᕖᕈᐊᕆ 25ᒥ ᐊᒻᒪᓗ ᕖᕗᐊᕆ 27, 2021ᒧᑦ, ᓄᓇᕗᒻᒥᐅᑦ ᓂᕈᐊᕈᓐᓇᓛᖅᑐᑦ ᑐᓴᕐᓂᕆᓛᒥᓂᒃ ᐃᓐᖏᒐᕐᒥᒃ ᖃᕋᓴᐅᔭᒃᑯᑦ. ᑐᓴᐅᒪᒐᓱᖃᑦᑕᕆᑦ ᓇᓗᓇᐃᖅᓯᓂᑦᑎᓐᓂᒃ ᖃᖓ ᓂᕈᐊᕈᓐᓇᓛᓕᕐᒪᖔᖅᐱᑦ. ᐃᓐᖏᒐᓕᒫᑦ ᐊᑐᐃᓐᓇᐅᓛᖅᑐᑦ ᑐᓵᒐᔅᓴᐅᓗᑎᒃ ᖃᕋᓴᐅᔭᒃᑯᑦ. ᓵᓚᖃᖅᑐᑦ ᓇᓗᓇᐃᖅᑕᐅᓛᖅᑐᑦ ᕖᕈᐊᕆ 28, 2021ᒥ.

ᐃᓚᐅᓂᕐᒧᑦ ᑕᑕᑎᕆᐊᓖᑦ:

ᓵᓚᓴᖃᑦᑕᖅᓯᒪᔪᑦ ᑭᖑᓂᑦᑎᓐᓂ ᐅᕗᖓ ᑕᑯᓗᑎᑦ.